Xornada “Sociedades de Clasificación”, 29 de setembro de 2026
O vindeiro martes 29 de setembro, terá lugar a segunda das sesións/xornadas que a Delegación Territorial en Galicia do Colexio Oficial de Enxeñeiros Navais e Oceánicos, ten previsto organizar ao longo do 2026, en colaboración coa Escola Politécnica de Enxeñeria de Ferrol (EPEF) e subvencionada pola Deputación da Coruña.
Nesta ocasión, a xornada será impartida por D. Ricardo Iparraguirre, IN pola EPS de Ferrol pertencente á Universidade da Coruña. Comezou a súa traxectoria profesional no ano 2004, desenvolvendo a súa actividade en varios Asteleiros nos Departamentos de Produción e en varias Oficinas Técnicas incluindo proxectos de buques militares da factoría ferrolana de Navantia. No 2009 incorporouse a Bureau Veritas como inspector, desempeñando distintas posicións ata chegar á actualidade na posición de Director do Distrito Norte.
29 de setembro de 2026- 18:15 h.
Lugar: Salón de actos Concepción Arenal -Campus Industrial de Ferrol
Dirixido: Estudantes de Grao e Máster, e público en xeral interesado na materia ata completar aforo
Calquera aclaración, non dubidedes en contactar coa DT a través de galicia@ingenierosnavales.com ou no 981 37 22 00 .
