Visita Guiada ao Arsenal Militar de Ferrol e ao Palacio de Capitanía. 2/maio/2026
O pasao sábado 2 de maio, a Delegación Territorial en Galicia do Colexio Oficial de Enxeñeiros Navais e Oceánicos, organizou a segunda das visitas guiadas deste 2026, subvencionadas pola Deputación Da Coruña.
Nesta ocasión visitouse o Arsenal Militar de Ferrol e como novidade, o Palacio de Capitanía, segundo o
PROGRAMA
09:30 h. Punto de encontro do grupo no Palacio de Capitanía
10:00 h. Acceso ao Palacio de Capitanía
- Visita guiada ao Palacio de Capitanía: Duración de unha hora. O antigo pazo de Capitanía Marítima construíuse fai máis de dous séculos. Esta gran construción domina desde arriba a ría de Ferrol e o Arsenal. O seu exterior sobrio contrasta cun interior suntuoso. Nas súas salas penden obras de arte inventariadas polo Museo do Prado. (Información de ferrolguias.com )
11:30 h. Acceso ao Arsenal Militar de Ferrol en bus
- Visita guiada Arsenal Militar Ferrol: Duración de unha hora cun percorrido en bus, entrando pola porta do Parque para visitar e explicar as instalacións do Século XVIII, antiga Sala de Armas, Cortina, dársena e dique da Campá, ao mesmo tempo que se verán os diferentes buques da Armada atracados na dársena.
Esta visita estivo aberta a enxeñeiros/as navais, as súas familias, amigos/as e público en xeral, previa inscrición.
Como é habitual, contouse con Isabel Díaz-Robles García de Ferrol Guías, que sempre consegue acadar a máxima atención do grupo.
Esta actividade está subvencionada pola Deputación da Coruña.
GALERÍA DE IMAXES
